KVENNAVERKFALL Á BLÖNDUÓSI50 árum eftir að baráttan fyrir jafnrétti hófst stöndum við enn frammi fyrir mörgum áskorunum. Tilkynningum um ofbeldi gegn konum og kvárum fjölgar ár frá ári, launamunur kynjanna helst óbreyttur og er enn til staðar. Þrátt fyrir framfarir sem gerðar hafa verið er jafnrétti alls ekki í augsýn. Það er því brýnt að við stöndum saman til að krefjast breytinga og framfara.
Við förum í Kvennaverkfall og hittumst til að minna á baráttusögu kvenna og kvára.
Og tökum höndum saman fyrir breytingar. Fyrir okkur, fyrir konur og kvár, fyrir framtíðina.
Með samstöðu fær ekkert okkur stöðvað!
Viðburður á Blönduósi
24. október kl. 13:30Við hittumst á bílastæðinu hjá félagsheimilinu klukkan 13:30 og göngum saman þaðan. Við hvetjum öll til að mæta klædd í bleiku. Með því að klæðast bleiku sýnum við okkar stuðning og saman sendum við mikilvæg skilaboð um mikilvægi jafnréttis og heilsu kvenna og kvára.
Eftir gönguna standa dyr Stéttarfélagsins Samstöðu opnar fyrir okkur. Þar býður félagið upp á veitingar og sýnir fundi í beinni útsendingu. Samvera okkar og þátttaka skapa vettvang til að minna okkur á gildi samstöðu, styrks og von um betri framtíð.
Viltu vera með?
Ef þú hefur áhuga á að vera með erindi, flytja ræðu eða syngja, hafðu samband við Láru Dagný:
This email address is being protected from spambots. You need JavaScript enabled to view it.. Allar konur, kvár og börn eru hjartanlega velkomin.
Breytt fyrirkomulag á íbúðum
Ágætu félagsmenn.
Við viljum vekja athygli á breyttu fyrirkomulagi varðandi leigu á orlofsíbúðunum okkar.
Vegna sölu á íbúðunum í Þangbakka 8 og Sóltúni 28 þá höfum við keypt tvær aðrar orlofsíbúðir í Reykjavík og eru þær báðar staðsettar í Sóltúni 30. Frá og með 1. nóvember 2025 verður hægt að leigja þær.
Sóltún 30, íbúð 306 - leigist út frá föstudegi til mánudags, mánudegi til miðvikudags og frá miðvikudegi til föstudags.
Sóltún 30, íbúð 204 - leigist yfir helgi – frá föstudegi til mánudags og svo sólarhringsleiga.
Ekki er hægt að leigja fleiri en 7 nætur yfir 3ja mánaða tímabil.
Tímabilin eru:
Janúar - mars, apríl - júní, júlí - september, október - desember.
Jól, áramót og páskar verða leigð sérstaklega og ekki skiptidagar á rauðum dögum.
Verðskrá:
Sólarhringsleiga – 10.000 kr.
Helgarleiga – (3 nætur, fös-mán) – 25.000 kr.
2 nætur – 20.000 kr.
Stéttarfélagið Samstaða
Sumarúthlutun orlofshúsa Stéttarfélagsins Samstöðu
Sumarúthlutun Samstöðu hefst 28. mars 2025, til og með 16. apríl 2025.
Smelltu hér til að sækja um
